Нидерландиянинг Deltares таҳлил маркази сунъий йўлдошдан олинган маълумотлар асосида Ўзбекистондаги Сардоба сув омборидаги тошқин сабабларини ўрганди ва бу борада ҳисоботни тақдим этишга тайёр. Тадқиқот ўтказиш ташаббуси Deltares экспертлари Санжай Гири, Геннадий Дончиц ва Марк Хегнауэр томонидан илгари сурилди, деб ёзган «Дунё» ахборот агентлиги.
Экспертлар фикрича тўғоннинг бузилишига ёғингарчиликлар туфайли сув омборида сувнинг ҳаддан зиёд кўплиги, шамол тўлқини ёки ички эрозия сабаб бўлиши мумкин.
Ҳисобот муаллифларининг қайд этишича Сардоба сув омборидаги ҳолат бўйича тезкор таҳлил ва фалокатга берилган баҳо тахминларга асосланган. Асосий жараёнларни тушуниш ва сабабларни аниқлаш учун чуқур ва батафсил ўрганиш талаб этилади. Бунда ер устки маълумотлари ва сув омбори деворларининг конструкцияси, қурилиш ва унда ишлатилган материаллар ҳақидаги ахборотларни билиш талаб этилади.
Нидерландиялик экспертлар метеорологик омилларни ҳам яхшилаб ўрганиш кераклиги ва бу келажакда табиий офатларга тайёр туриш, техник потенциални такомиллаштириш ва бошқа омилларга таъсир қилишини таъкидлаган.
Мавзуга доир:
- Сардоба фалокати сабабларини ўрганиш учун Франция, Туркия, Россиядан экспертлар таклиф қилинди
- NASA Сардоба тошқинининг сунъий йўлдошдан олган суратларини эълон қилди
- Бош прокуратура: «Сардоба фалокати юзасидан жиноят иши бўйича 4 та тергов версияси кўриб чиқилмоқда»
- Сардоба тўғонини қуришга бетон ва арматура ишлатилмагани тўғрисидаги саволларга жавоб берилди
Изоҳ (0)