18 май, душанба куни дунёнинг турли бурчакларида олинган энг қизиқарли суратлар жамланмасини тақдим этамиз.

Италиянинг Рим шаҳридаги Gucci дўконига киришда харидорлар тана ҳарорати ўлчанмоқда.

Фото: EPA

Ирландиянинг Монигалл шаҳридаги чекка қишлоқ аҳолиси дрон ёрдамида керакли маҳсулот ва дори-дармонларни қабул қилиб олмоқда.

Фото: Reuters

Москвада Фавқулодда вазиятлар вазирлиги ходимлари Киев вокзалида дезинфекция ишларини олиб бормоқда.

Фото: Reuters

Афинада Маданият вазирлиги вакили Акрополь бални тозалаб, ташриф буюрувчиларни кутиб олишга тайёрланмоқда.

Фото: Reuters

Лондондаги Трафальгар майдонида ҳукуматдан экологик тикланишнинг барқарор режасини ишлаб чиқишни талаб қилган экоҳаракат аъзолари 1500 жуфт болалар пойабзалини териб чиқди. Суратда уларнинг орасида турган болакай.

Фото: Reuters

БААнинг Дубай шаҳрида дрон ёрдамида олинган суратда Ал-Қудра йўлагида велосипедда кетаётган одамларни кўриш мумкин.

Фото: EPA

Истанбул шаҳридаги Босфор бўғозида сакраётган дельфин.

Фото: Getty Images

Ҳиндистоннинг Ажмер шаҳрида полиция ходими умуммиллий ёпиқ тартиб юмшатилганидан кейин Уттар-Прадешга йўл олаётган муҳожир ишчилар поезди йўловчиларининг идишларини сувга тўлдириб бермоқда.

Фото: AFP

Португалия пойтахти Лиссабонда мактаб очилганининг илк кунида ижтимоий масофаланишга ёрдам бериш мақсадида ерга туширилган кўрсаткичлар.

Фото: EPA

Филиппиннинг Манила шаҳридаги деворларга Art Attack гуруҳи ижодкорлари тиббиёт ходимларини қўллаш учун хаёлий суперқаҳрамон Дарнанинг ҳимоя кийимларидаги расмини чизди.

Фото: Getty Images

Бельгиянинг Брюссель шаҳридаги гўзаллик салонида ҳимоя ниқоби тақиб олган костюмер.

Фото: EPA

Токиода Мудофаа вазирлиги янги қуролни синовдан ўтказмоқда.

Фото: Rex

Бангладешнинг Нараянганж шаҳрида Covid-19’га бағишлаб чизилган граффити ёнидан ўтиб бораётган аёл.

Фото: AFP

Жанубий Африка пойтахти Кейптаундаги Си Поинт қирғоғи бўйида машқ қилаётган одамлар.

Фото: AP Photo

Тошкент шаҳридан вилоятларга дастлабки поезд қатнови йўлга қўйилди. Суратда йўловчининг тана ҳароратини ўлчаётган вокзал ходимлари.

Фото: «Ўзбекистон темир йўллари» АЖ

АҚШнинг Нью-Йорк штатидаги Куинс туманида овқат учун навбатга турган одамлар.

Фото: Reuters

Фаластинлик болакай салқинланиб олиш учун Исроил оккупация қилган Ғарбий қирғоқдаги анҳорда чўмилмоқда.

Фото: Reuters

Хитойнинг Ухань шаҳрида нуклеин кислотасига тестдан ўтаётган қизалоқ.

Фото: Reuters

Мексиканинг Мехико шаҳри крематорий ишчилари ҳимоя кийимида.

Фото: Reuters

Польшанинг Варшава шаҳрида ҳукуматга қарши намойишда кўзига ёшлантирувчи газ сепилган эркак байроқ олдида ўтирибди.

Фото: Reuters