O‘tayotgan hafta davomida olingan eng qiziqarli suratlar jamlanmasini e’tiboringizga havola etamiz.

Germaniyaning Zamerberg kommunasida velosipedchi sigir bilan selfi qilmoqda.

Foto: EPA

Kiyevdagi “Venetsiya” mehmonxonasida hamshira yangi tug‘ilgan chaqaloqlarga g‘amxo‘rlik qilmoqda. Koronavirus sababli chegaralar yopiqligi bois surrogat onalardan tug‘ilgan 100 dan ortiq bolalarning xorijlik ota-onalari ularni olib keta olmayapti.

Foto: AFP

AQSh prezidenti Donald Tramp va uning rafiqasi Melaniya Tramp Vashingtonda.

Foto: Reuters

Uxandagi shifoxonaning tibbiyot niqobidagi hamshiralari Xalqaro hamshiralar kuni munosabati bilan o‘tkazilgan tadbirda ishtirok etmoqda.

Foto: Reuters

Lima ko‘chalaridan birida tobutdagi jasad tashlab ketildi. Peru Janubiy Amerikada koronavirusga chalinganlar soni bo‘yicha ikkinchi o‘rinda bo‘lib turibdi. Mamlakatda 84 ming kishida koronavirus aniqlangan, 2300 dan ortiq odam vafot etgan.

Foto: Reuters

Mali poytaxti Bamakoda yonib ketgan qochoqlar lageriga qarayotgan bola.

Foto: AFP

Tailand poytaxti Bangkokda mushuklar kafesi yana qayta ochildi. Kafe xodimi mushukning haroratini o‘lchamoqda.

Foto: AFP

Afg‘oniston poytaxti Kobuldagi shifoxonaning o‘qlardan teshilib ketgan oyna va devorlari. Jangarilarning shifoxonaga hujumi oqibatida 20 dan ortiq odam halok bo‘ldi.

Foto: EPA

Braziliyaning Kashias-du-Sul shahridagi savdo markazi dezinfeksiya qilinmoqda. Hozirda Braziliyada koronavirusga chalinganlar soni 222 ming kishidan oshib ketgan.

Foto: AFP

Xitoyning Chunsin shahri tog‘laridagi ilon izi yo‘lining yuqoridan ko‘rinishi.

Foto: Getty Images

Germaniyaning Bagus kompaniyasi eshitishida muammosi bo‘lgan odamlar uchun maxsus niqob ishlab chiqardi. Eshitishida muammosi bo‘lgan shaxslar bunday niqobni taqib olgan suhbatdoshining so‘zlarini lablaridan o‘qib olishi mumkin.

Foto: Getty Images

Dakar shahrida taksi kutayotgan senegallik ayollar.

Foto: “TASS”

Fransiyadagi Monmeyran shaharchasida maktablarni ochishga ruxsat berilmagach, ota-onalar va o‘qituvchilar norozilik belgisi sifatida o‘rmonda dars tashkil etdi.

Foto: AFP

Madrid ko‘chalaridagi odamlar.

Foto: Getty Images

Dehlida qum bo‘roni kuzatildi.

Foto: “TASS”

Alyaskada ov qilayotgan burgut.

Foto: The Guardian

Meksikaning Tixuana shahrida koronavirus tufayli ikki baravar ko‘p qabr qazilmoqda.

Foto: AFP

Shanxaydagi san’at muzeyi tashrifchilari.

Foto: Getty Images

Tailand poytaxti Bangkokdagi kafeda xo‘randalar plastik to‘siq bilan ajratib qo‘yilmoqda.

Foto: EPA

Italiyalik skripkachi Fiamma Flaviya Paoluchchi Xalqaro hamshiralar kunida Rimdagi shifoxonada chiqish qildi.

Foto: AFP

Kolumbiyada koronavirus pandemiyasi avj olgan paytda ABC Displays fabrikasi kartondan shifoxona karavotlari ishlab chiqarishni boshladi. Gofrirofka qilingan kartondan yasalgan karavotlar 150 kilogrammgacha og‘irlikni ko‘tara oladi va 6 oygacha xizmat qilishi mumkin. Zarurat tug‘ilsa, ulardan tobut o‘rnida foydalanish ham mumkin.

Foto: Getty Images

Moskvada kunbotar mahal kamalak hosil bo‘ldi.

Foto: EPA