Британиянинг Sonantic стартапи сунъий интеллектни йиғлашга ва хўрсинишга ўргатди, деб ёзади Meduza.
Бунинг исботи сифатида компания компьютерда яратилган ҳис-туйғуларга эга овознинг матн ўқиётгани акс этган видеони эълон қилди. Бу бир қарашда оддий туюлса-да, аслида ундай эмас. Масалан, Siri ёки Алиса овозли ёрдамчилари фойдаланувчилар билан йиғлаш ёки хўрсиниш уёқда турсин, ҳеч қандай эмоциясиз мулоқот қилади. Бироқ Sonantic томонидан яратилган технология ушбу муаммони ҳал қилади. Дастур матнни жонли актёрлардек ўқимаса ҳам, эришилган натижа тахсинга сазовор.
Sonantic видеoўйинлар ишлаб чиқарувчиларига қўл келадиган аудиомуҳаррир устида ҳам ишламоқда. Нейротармоқлар ёрдамида ўн минглаб диалоглар қаторларини овозлаштириш имконияти ўйинларни ишлаб чиқариш жараёнини тезлаштиради ва арзонлаштиради. Бундан ташқари, янгилик бюджети оз бўлган янги студияларга ҳам қўл келади.
Изоҳ (0)