Ўзбекистон терма жамоаси собиқ ҳужумчиси Максим Шацких «Тезкор студия» дастуридаги суҳбатда бир вақтлар Россия терма жамоасида тўп суриш таклифини рад этганини айтди.
«Россияга кетган вақтим шундай таклиф бўлган. Мени Россия ёшлар терма жамоасига таклиф қилишган. Ҳеч қандай иккиланишсиз бу таклифни рад этганман ва фақат Ўзбекистон терма жамоасида тўп суришимни маълум қилганман. Шу билан бу борадаги барча масала ёпилган.
Бу легионерлик мақомини йўқ қилиш билан боғлиқ эмас. Менимча, қайсидир жиҳатларим уларга маъқул келган. Ёшлар жамоасида расмий ўйин ўтказдингми, демак, ўша мамлакат футболчига айланасан. Мен бу суҳбатга қадар ўзим учун қарор чиқариб бўлгандим. Шу сабаб бу масалани ҳатто ўйлаб ҳам кўрмаганман ва ҳеч қандай шубҳа бўлмаган», — дейди Шацких.
Максим Шацких 1999—2014 йиллар оралиғида Ўзбекистон терма жамоасида тўп сурган. Мазкур вақт ичида хужумчи 61 ўйин ўтказиб, 34 та голга муаллиф бўлган ва Ўзбекистон терма жамоаси тарихидаги энг яхши тўпурар ҳисобланади.
Мавзуга доир:
- Максим Шацких Ўзбекистон терма жамоасида бирга ишлаган энг яхши мураббий номини маълум қилди
- Россия қуйи дивизионларида мавсум муддатидан аввал якунланди. Шацких ва Денисов жамоаси РПЛга йўл олди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)