Футбол бўйича Россия қуйи дивизионлари — Миллий футбол лигаси (ФНЛ) ва Профессионал футбол лигасида (ПФЛ) 2019/20 йилги мавсум муддатидан аввал якунланди. Бу ҳақда Россия футбол иттифоқининг 15 май кунги йиғилишида қарор қабул қилинди.
Миллий футбол лигасининг икки клуби Россия Премьер Лигасига йўлланмани қўлга киритади. Улар Россия Премьер Лигасида жорий мавсумини 15 ва 16-ўринда якунлаган жамоалар ўрнини эгаллайди. Миллий футбол лигаси 27-турига келиб мусобақа жадвалида «Ротор» пешқадамлик қилмоқда. Иккинчи ўринни «Химки» банд этган.
«Ротор» сафида ўзбекистонлик ҳимоячи Виталий Денисов ҳаракат қилади. Шунингдек, Ўзбекистон терма жамоасининг собиқ ҳужумчиси Максим Шацких клуб ёрдамчи мураббийи ҳисобланади.
Шу тариқа Денисов ва Шацких жамоаси келаси мавсум Россия чемпионатида тўп сурадиган бўлди. Максим ва Виталий волгоградликлар сафига 2020 йилнинг январь ойида бориб қўшилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)