Қорақалпоғистонда 15 май, жума куни 2 нафар коронавирус инфекциясига чалинган бемор соғайиб чиқди ва реабилитацияга кузатилди, деб хабар бермоқда Соғлиқни сақлаш вазирлиги матбуот хизмати.
Тузалганларнинг бири (35 ёшли эркак) Бухоро вилоятидан бўлиб, Қозоғистондан келган, иккинчиси эса (36 ёшли эркак) Самарқанд вилоятидан бўлиб, Россиядан Қозоғистон орқали келган. Иккиси ҳам карантинга олинган ва коронавирус инфекцияси аниқланиши билан шифохонага ётқизилган.
Қорақалпоғистонда шу пайтга қадар 110 нафар бемор соғайган бўлса, эндиликда уларнинг сони 112 нафарга етди ҳамда ушбу ҳудудда ҳозирда 8 нафар бемор даволанмоқда.
Аввалроқ 15 май куни Наманганда 5 киши, Самарқандда 15 киши соғайгани хабар берилганди.
Айни пайтда Ўзбекистонда коронавирус инфекциясидан соғайганлар сони 2158 нафарни ташкил этмоқда. Касалланганларнинг умумий сони эса 15 май соат 19:00 ҳолатига кўра, 2682 нафарга етди.
Изоҳ (0)