Самарқанд вилоятида 15 май куни 15 нафар коронавирус инфекциясига чалинган бемор соғайиб чиқди ва реабилитацияга кузатилди, деб хабар бермоқда ССВ матбуот хизмати.
Тузалганларнинг барчаси Самарқанд вилоятидан (6 нафари Самарқанд шаҳридан, 4 нафари Тойлоқ туманидан, 3 нафари Оқдарё туманидан, 1 нафардан эса Пайариқ ва Иштихон туманларидан) бўлиб, коронавирус инфекциясига чалинганлар билан мулоқот орқали касалликни юқтириб олишган. Уларнинг 6 нафари эркак, 9 нафари аёл, энг ёши каттаси 52 ёшда, ёши кичиги эса 11 ёшда экани айтилган.
Вилоятда шу пайтга қадар 129 нафар бемор соғайган бўлса, эндиликда уларнинг сони 144 нафарга етди.
Шу куни Наманганда яна 5 нафар бермор тузалиб, соғайганлар 2141 нафарга етгани хабар берилган эди. Айни пайтда соғайганлар сони 2156 нафарни ташкил қилмоқда.
Касалланганларнинг умумий сони эса 15 май соат 10:00 ҳолатига кўра 2652 нафарга етди. Даволанаётган 505 нафар бемордан саккиз нафари оғир аҳволда.
Изоҳ (0)