Бокс бўйича бешта вазн тоифасида собиқ Жаҳон чемпиони Флойд Мейвезер ҳозир ҳам профессионал рингда совринлар ютишга қодирлигини таъкидлади.
«Ҳозир ҳам рингга чиқиб, совринлар қўлга кирита олишимга ишонаман. Чиройли шоулар ташкил этиб беришим мумкин, бироқ энди бошқа боксчилар порлайдиган вақт келди.
Мен ҳали ҳам спортдаман. 24 йил давомида спорт ичида юрдим ва 20 йил чемпионликни сақлаб турдим. Менинг порлаган вақтларим бўлди. Энди бошқа боксчилар ўзининг энг яхши жиҳатларини намойиш қилишини кузатиб бораман», — дейди Мейвезер.
43 ёшли Мейвезер сўнгги бор 2017 йилнинг августида жанг ўтказган. Ўшанда у икки вазн тоифасида UFC собиқ чемпиони Конор Макгрегорни бокс қоидалари бўйича ўтказилган жангнинг 10-раундида нокаутга учратганди. Флойд профессионал боксда 50 жанг ўтказиб, уларнинг барчасида ғолиб (27 нокаут) чиққан.
Изоҳ (0)