O‘zbekistonlik UFC jangchisi Mahmud Murodov boks bo‘yicha sobiq Jahon chempioni Floyd Meyvezerning xarakteri borasida fikr bildirdi.
Foto: Instagram
“Meyvezer hayotda ijtimoiy tarmoq yoki kamera qarshisidagidek emas. Faraz qilamiz. Floydga yosh yigit yaqinlashib kelib, shunday deydi: “Seni muxlisingman, suratga tushsak bo‘ladimi?”. Meyvezer muammosiz u bilan suratga tushadi.
Unga qanday erkak yaqinlashib: “Hoy, Floyd yaqinroq kel, suratga tushamiz”, desa Floyd shunday javob qiladi: “Nega mendan xol ahvol so‘ramayapsan?”.
U hech narsani shunchaki bajarmaydi, uning uchun hurmat juda muhim. Restoranda Meyvezer hamma bilan so‘rashib chiqadi. Ofitsantlar bilan qo‘l berib ko‘rishadi. Ovqatlanadi, barchaga choy-chaqa beradi.
Ko‘chada gadoyni ko‘rib qolsa, unga pul beradi va “ishlaring qalay?” deb so‘raydi”, — deydi Murodov.
Eslatib o‘tamiz, UFC’da harakat qilayotgan o‘zbekistonlik ilk va yagona sportchi Meyvezer promouterlik kompaniyasi bilan hamkorlik qiladi.
