Россия Ташқи ишлар вазирлигининг расмий вакили Мария Захарова 14 май, пайшанба куни ўтказилган брифинг вақтида «Ўзбекистонда иш юритиш жараёнларида рус тилидан фойдаланиш республика фуқароларининг манфаатларига мос келади», дея Ўзбекистонда рус тили билан боғлиқ вазиятга изоҳ берганди. Ўзбекистон Олий Мажлиси Қонунчилик палатаси депутати, «Юксалиш» умуммиллий ҳаракати раиси Акмал Бурҳонов Мария Захарованинг мазкур баёнотига ўз муносабатини билдирди.
Акмал Бурҳоновнинг қайд этишича, суверен давлат ҳудудида тил масаласи тартибга солиниши унинг ички сиёсати масалаларига киради.
«Рус тили бўйича Россия билан ҳамкорликда дастурларнинг амалга оширилиши бу юртимизда бошқа миллат вакилларига бўлган ҳурматимиз даражасини билдиради. Лекин Ўзбекистонда давлат тили ўзбек тили ҳисобланади ва давлат органларида иш давлат тилида юритилиши қонуннинг талабидир», — деб таъкидлаган депутат.
Шунингдек, Акмал Бурҳонов Россия Ташқи ишлар вазирлиги расмий вакилининг баёнотида айтилган гапларга нисбатан ўз саволларини берган.
Захарова қайси асосга кўра қонун лойиҳасининг тарафдорлари камчиликни ташкил қилиши ва расмий иш юритувида рус тили тўлиқ сақланиб қолган, деган хулосага келди?Эслатиб ўтамиз, апрель ойининг охирида Ўзбекистон Адлия вазирлиги давлат тилида иш юритишни таъминламаганлик учун мансабдор шахсларга жавобгарлик белгилашни назарда тутувчи қонун лойиҳасини ишлаб чиққан эди. Қонун лойиҳасига кўра, давлат органлари ва ташкилотларида иш юритишда давлат тили ҳақидаги қонун ҳужжатлари талабларига риоя этмаслик, мансабдор шахсларга базавий ҳисоблаш миқдорининг 2 бараваридан 5 бараваригача миқдорда жарима солишга сабаб бўлиши мумкин.Давлат идораларида ўзбек тилида иш юритиш Ўзбекистон ва Россия ўртасидаги алоқаларимиз динамикасига ҳеч қандай таъсир кўрсатмаслиги керак. Россия расмий вакили бу масаланинг Ўзбекистон фуқаролари манфаатларига зид ёки зид эмаслиги бўйича фикр билдиришга ҳақлими?
Акмал Бурҳонов, Олий Мажлис Қонунчилик палатаси депутати, «Юксалиш» умуммиллий ҳаракати раиси
Изоҳ (0)