Президент Шавкат Мирзиёевнинг 15 май, жума куни Сирдарё вилоятига ташрифи давомида аҳоли билан бўлиб ўтган учрашувларда нафақат уй-жой билан таъминлаш, балки корхоналар ташкил этиб, иш ўринлари яратиш масалаларига ҳам алоҳида эътибор қаратилди.
Шу мақсад билан қисқа вақтда қиймати 2,14 триллион сўмлик 323 та катта-кичик лойиҳа шакллантирилган. Уларни татбиқ этиш ҳисобига Мирзаобод, Оқолтин ва Сардоба туманларида 2020 йилда 10 мингга яқин иш ўринлари яратиш кўзда тутилган.
«Жумладан, Мирзаобод туманида жами 1 триллион 12 миллиард сўмлик 143 та лойиҳа амалга оширилиб, 4,5 мингдан зиёд иш ўринлари ташкил этилиши мўлжалланган», — дейилади Президент матбуот хизмати ахборотида.
«Гулистон Голд Ярн» компанияси томонидан трикотаж маҳсулотлари ишлаб чиқариш, «Мирзаобод Лимончилик кластери» томонидан замонавий иссиқхона ташкил этиш, «Самовий бахт қувончи» компанияси томонидан ўсимлик ёғи ишлаб чиқариш лойиҳалари шулар жумласидан.
Оқолтин туманида жами 789 миллиард сўм қийматидаги 95 та лойиҳа ҳисобига 3,5 мингга яқин иш ўринлари яратилиши кўзда тутилган. Мисол учун, «АПК Оқолтин» корхонаси томонидан ўсимлик ёғи, «Оқолтин Мега Текстиль Груп» компанияси томонидан трикотаж маҳсулотлари ишлаб чиқариш йўлга қўйилади.
Мавзуга доир:
- Шавкат Мирзиёев Мирзаобод ва Оқолтиндаги сув тошқини жабрдийдаларига ҳам сертификатларни топширди
- Сардобадаги фалокатдан жабрланганлар янги кўп қаватли уйларга ва ўзларининг таъмирланган ҳовлиларига 1 сентябргача кўчиб ўтиши мумкин бўлади
- Сардобадаги фалокатдан жабр кўрган ҳар бир хонадонга Шавкат Мирзиёев номидан 40 млн сўмдан берилди
Изоҳ (0)