Олий Мажлис Қонунчилик палатасига «Давлат тили ҳақида»ги қонуннинг янги таҳрири киритилди. «Миллий тикланиш» демократик партияси раҳбари Алишер Қодиров ўзининг Telegram’даги саҳифасида маълум қилишича, масъул қўмита томонидан қонун лойиҳаси биринчи ўқишда кўриб чиқишга тайёрланмоқда.
«‘Миллий тикланиш’ демократик партияси сайловолди дастуридаги асосий масалалардан бири сифатида ушбу қонун лойиҳасини жиддий муҳокама қилишга тайёрланмоқда.
Шу билан бирга, бугунги кунда қабул қилишга тайёргарлик кўрилаётган ‘Норматив ҳуқуқий ҳужжатлар тўғрисида’ги қонун лойиҳасининг 33-моддасида партия фракциясининг ташаббуси асосида Ўзбекистон Республикасида барча норматив ҳуқуқий ҳужжатларнинг ўзбек тилида қабул қилиниши белгиланмоқда», — деб ёзган Алишер Қодиров.
Эслатиб ўтамиз, апрель ойининг охирларида Ўзбекистон Адлия вазирлиги давлат тилида иш юритишни таъминламаганлик учун мансабдор шахсларга жавобгарлик белгилашни назарда тутувчи қонун лойиҳасини ишлаб чиққан эди.
Изоҳ (0)