Енгил вазн тоифасида UFC чемпиони Ҳабиб Нурмагомедовнинг отаси Абдулманап Нурмагомедовда коронавирус аниқланди.
База Telegram каналининг хабар қилишича, Нурмагомедовларнинг каттаси шифокорлар томонидан тақиқланганига қарамай жисмоний машқ билан шуғулланган ва шундан сўнг ўзини ёмон ҳис қилган. Унинг COVID-19 таҳлили вирусга ижобий натижа берган.
Аввалига Абдулманап Нурмагомедовга пневмония ташхиси қўйилганди, мураббий коронавирусга таҳлил топширишдан бош тортган. Май ойида унинг ҳолати ёмонлашган ва мураббий Москвага олиб келинган. 13 май куни Абдулманап юрак билан муаммо сабаб, кома ҳолатига тушиб қолгани хабар қилинди. Таъкидланишича, Нурмагомедов кома ҳолатидан чиққан.
Россияда 14 май ҳолатига коронавирус юқтириб олганган сони 252 минг нафардан ошди. 53,5 минг киши тузалган бўлса, 2300 дан ортиқ одам вафот этган.
Изоҳ (0)