Тони Фергюсоннинг мураббийи Рашад Ҳоллоуэй UFC енгил вазн тоифаси чемпиони Ҳабиб Нурмагомедов ва вақтинчалик чемпион Жастин Гетжи ўртасидаги эҳтимолий жанг ҳақида гапирди.
«Мураккаб жанг. Ҳабиб Конор Макгрегорга қарши жангда «стойка»даги (тик турган ҳолда жанг олиб бориш) салоҳиятини намойиш қила олди. Бироқ Жастин Гетжи зарба бериш маҳорати борасида бошқа даражадаги жангчи. Унинг бокси яхши. Боксга эътибор қаратадиган яккакурашчилар тик турган ҳолатдаги жанг олиб боришда ажралиб туради.
Жастин бокс техникасига кўп эътибор қаратади. Бу борада у Ҳабибдан анча яхши. Бу эса тейкдаун (йиқитиш) имкониятини кескин пасайтириб юборади. Бироқ шу билан бир қаторда Ҳабиб партерга олишда ақл бовар қилмас ишларни амалга оширади.
Тик турган ҳолатда Жастин уни йўқ қилади. Партерда эса Жастин Ҳабибга хавф туғдира олмайди, шу сабаб мен имкониятларни 50 га 50 баҳолайман», — дейди Ҳоллоуэй.
Мавзуга доир: Ҳабиб Нурмагомедов ҳамда Жастин Гетжи ўртасидаги жанг қачонга режалаштирилганлиги маълум қилинди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)