Фото: Афсонавий ҳинд актёрлари аввал ва ҳозир

Ҳинд киносида ўчмас из қолдираётган афсонавий актёрлар ҳозир қандай кўринишда ва улар нималар билан банд? Қуйида шулар ҳақида сўз юритамиз.

Амитабҳ Баччан, 77 ёшда

Амитабҳ Баччан ҳинд халқи учун шунчаки актёр эмас, одамлар уни маъбудга қиёслайди. У ҳозир ҳам Ҳиндистоннинг энг талабгир актёрларидан бири ҳисобланади. Кинодаги фаолиятидан ташқари у «Ким миллионер бўлишни хоҳлайди?» кўрсатувининг ҳиндча версиясига бошловчилик қилади.

Митҳун Чакраборти, 69 ёшда

1982 йилда «Диско раққоси» фильми катта экранларга чиққач, актёр бутун дунёга машҳур бўлиб кетди. Фильм ҳинд киносининг классикасига айланди, Митҳун ўзига Жимми деган иккинчи исмни орттирди. Митҳун ҳозир ҳам киноларда суратга тушади, ёшига қарамай у ҳамон талаб юқори бўлган актёрлардан бири ҳисобланади.

2020 йилнинг 30 апрелида 68 ёшида вафот этган Риши Капур

Афсонавий актёр Раж Капурнинг ўғли актёрликдан бошқа касбни танлай олмасди. Унинг «Бобби» фильмидаги роли унга оламшумул машҳурлик келтирди. У бир муддат режиссёрлик билан ҳам шуғулланган. Риши Капур бир неча йил оққон билан курашиб, шу касаллик туфайли оламдан ўтди.

Дҳармендра, 84 ёшда

Дҳармендрани «Зита ва Гита» фимидан танишади, бироқ унга ҳақиқий муваффақият келтирган фильм «Гул ва тош» ҳисобланади. Ушбу картинадаги жиноятчи образини муваффақиятли гавдалантирганидан сўнг унга режиссёрлар томонидан таклифлар ёғила бошлади. Актёр қисқа муддат ичида бой ва машҳур бўлиб кетди. Дҳармендрани 19 ёшида Пракаш Каур исмли қизга уйлантириб қўйишади. Улар икки ўғил кўради. Дҳармендранинг икки ўғли Санни ва Бобби Деоллар ҳам муваффақият қозонган актёрлар.

Дҳармендра «Зита ава Гита» фильмининг суратга олиш жараёнида актиса Ҳема Малини билан танишиб, унга кўнгил қўяди. Шундан сўнг биринчи хотини билан ажрашиб, Ҳемага уйланади. Уларнинг икки қиз фарзанди бор.

Ҳема Малини, 71 ёш

«Зита ва Гита» фильмидан сўнг танилган Ҳема Малини «Севимли Ража», «Қасос ва қонун», «Боғбон» фильмларида ҳам эсда қоларли образларни яратган. У Hema Malini Creations продюсерлик компаниясига асос солган, у турмуш ўртоғи Дҳармендра билан сиёсий фаолият ҳам олиб боради, шунингдек, киноларда суратга тушади.

Жеки Шрофф, 63 ёшда

Жекининг ҳақиқий исми — Жайкишан. «Асира» фильмидаги иштироки унга муваффақият келтирган. Шундан сўнг актёр ўзига Жеки Шрофф тахаллусини танлаган. Жеки кинопродюсер Аиша Шроффга уйланган. Уларнинг икки фарзанди бор.

Актёр Jackie Shroff Entertainment Limited медиакомпаниясига раҳбарлик қилади.

Жая Прaда, 58 ёш

Жая Прaда ўзбек томошабинларига «Меҳрибонгинам» фильмидаги Ешода образи билан яхши таниш. У 1994 йилдан бери сиёсат билан шуғулланади. Жая Прaда Ҳиндистон парламенти аъзоси ҳисобланади.

Рекҳа, 65 ёшда

Рекҳа 12 ёшидан бери киноларда суратга тушади. Отаси уларни ташлаб кетганидан кейин қизча мактабни ташлаб ишлашга мажбур бўлган. У кеча-ю кундуз фильмларда суратга тушарди. Актриса бугунга қадар 200 га яқин фильмда суратга тушган. Унинг эри ўз жонига қасд қилган, шундан сўнг Рекҳа қайта турмуш қурмаган. У узоқ муддат Болливуд қироли Амитабҳ Баччан билан ишқий муносабатда бўлган. Уларнинг муносабатларини ҳамма қоралаган. Бироздан сўнг Баччан актриса билан муносабатларига чек қўйиб, оиласига қайтган. Актриса ҳозирда Мумбай шаҳрида яқин дугонаси билан бирга яшайди. У ҳозир ҳам фильмларда суратга тушади.