Хитойдаги кинотеатрларга санитария чораларига риоя қилган ҳолда ишни қайта тиклашга рухсат берилди, деб ёзади «Korrespondent.net».
Хитойда кинотеатрлар коронавирус туфайли январь ойи охиридан бери ёпиқ эди.
Ишни қайта тикламоқчи бўлган кинотеатрлар томошабинларни хавфсиз масофада ўтқазиши, бинони тез-тез шамоллатиши, мунтазам равишда дезинфекция ўтказиб туриши керак. Томошабинлар ҳимоя ниқобини тақиши керак.
Хитой давлат кенгаши қарорида кинотеатрлар очилишига рухсат берилган аниқ сана кўрсатилмаган. Кенгаш бошқа муассасалар, жумладан, ресторан, супермаркет ва савдо марказларига ишни қайта тиклашни тавсия қилган.
Март ойида ҳам Хитой кинотеатрлари ишни қайта бошлашга уриниб кўрган эди. Бироқ томошабинлар кинозалларга бормаган. Мамлакатда энг камида 2300 та кинотеатр банкрот бўлган.
Изоҳ (0)