2020 йилда Канн кинофестивали ўтказилмайдиган бўлди

Нуфузли Канн кинофестивали 2020 йилда ўтказилмайди. Бу ҳақда ташкилий қўмита вакилининг сўзларига асосланиб, «Korrespondent.net» хабар берди.

Коронавирус пандемияси туфайли Францияда жорий этилган фавқулодда ҳолат режими энг камида 10 июлгача узайтирилди.

Шунинг учун кинофестивални кузда ўтказишнинг ҳам имкони бўлмайди. Канн кинофестивалини виртуал тарзда ўтказиш ғоясини ташкилотчилар қўллаб-қувватламаган.

Кинофестиваль учун саралаб олинган фильмлар бошқа фестиваллар, жумладан, Венецияда намойиш этилади. Кинокартиналар рўйхати июнь ойи бошида эълон қилинади.