Ўзбекистонда 13 май соат 23:00 ҳолатига кўра, коронавирусга чалинганлар сони 16 кишига ошиб, 2612 нафарга етди. Бу ҳақда Соғлиқни сақлаш вазирлиги хабар бермоқда.
16 та янги касалланиш ҳолатининг 11 таси хориждан келиб, карантинга олинган, қолган 5 таси олдиндан карантин муассасаларида кузатувда бўлган фуқаролар орасида аниқланди.
«Мамлакатимизда даволанаётган 525 нафар бемордан 12 нафари оғир аҳволда. Шифокорларимиз томонидан барча беморларга стандартлар бўйича даво чоралари кўрилмоқда», — дейилади ССВ хабарида.
Аввалроқ Ўзбекистонда 13 май соат 18:00 ҳолатига кўра, коронавирусга чалинганлар сони 28 кишига ошиб, 2596 нафарга етгани ҳақида хабар берилганди.
Эслатиб ўтамиз, ҳозиргача Ўзбекистонда 2076 нафар киши коронавирусдан соғайган, 11 нафар бемор эса инфекция асоратлари оқибатида вафот этган.
Изоҳ (0)