Шавкат Мирзиёев раислигида Ўзбекистонда карантин талабларини хушёрликни оширган ҳолда янада юмшатиш, иқтисодиёт тармоқларини босқичма-босқич ишлатиш, аҳоли бандлиги ва даромадларини ошириш чора-тадбирлари юзасидан 13 май куни видеоселектор йиғилиши ўтказилди. Бу ҳақда Президент матбуот хизмати хабар қилди.
Йиғилишда Ўзбекистондаги эпидемиологик вазият, Қорақалпоғистон республикаси, Тошкент шаҳри ва вилоятлар раҳбарларининг таклифларидан келиб чиқиб, карантин талабларини янада юмшатиш масалалари муҳокама қилинди.
Хусусан, «яшил» ва «сариқ» ҳудудларда санитария-гигиена талабларига қатъий амал қилган ҳолда хизмат кўрсатиш турларига босқичма-босқич рухсат бериш мумкинлиги белгиланди.
Республика комиссиясига пандемия қайта кучайган тақдирда вазирлик ва идоралар бажариши лозим бўлган бирламчи вазифалар белгиланган тартибни тасдиқлаш топшириғи берилди.
Олис ҳудудларнинг пойтахт билан транспорт алоқасини тиклаш жуда долзарб масала эканлиги таъкидланди ва Тошкент шаҳридан Нукус, Урганч, Термиз шаҳарларига авиақатновларни тиклаш, Самарқанд, Навоий, Бухоро, Қарши шаҳарларига «Афросиёб» тезюрар поезди ҳамда Фарғона водийсига поезд қатновини қайта йўлга қўйиш режалаштирилиятгани маълум қилинди.
Шунингдек, шаҳарлар ичида шахсий автомобиллар ҳаракати бўйича чекловларни бекор қилиш масаласи ўрганилаётгани, Транспорт, Ички ишлар ва Соғлиқни сақлаш вазирликларига мазкур вазият бўйича Республика комиссиясига таклиф киритиш вазифаси юклатилган.
Мавзуга доир:
- «Бу ишларни келгуси 2-3 йилда тўлиқ амалга оширмасак, ҳар бир кечиккан йилимиз мамлакатимизни 10 йил орқага тортади» — Шавкат Мирзиёев ИТъни ривожлантириш ҳақида
- Ўзбекистонда «қизил», «сариқ» ва «яшил» тоифага ажратилган туман ва шаҳарлар рўйхати эълон қилинди
- Шавкат Мирзиёев коронавирус бўйича янги қарор имзолаши кутилмоқда
Изоҳ (0)