Avgust oyiga borib AQShda koronavirus infeksiyasi qurbonlari soni 147 ming kishiga yetishi mumkin. Bu haqda Vashington shtati universiteti huzuridagi Sog‘liqni o‘lchash va baholash instituti doktori Kristofer Myurreyga tayanib, CNN xabar berdi.
“Biz prognozlarni hisoblay boshlaganimizda, barcha shtatlar Yangi Zelandiya modeliga rioya qiladi deb o‘ylagan edik. Unga ko‘ra, virus tarqalishi eng past darajaga yetmaguniga qadar ijtimoiy masofalanishni saqlash kerak”, — deydi Myurrey.
Uning so‘zlariga ko‘ra, bu sodir bo‘lmagan: shtatlar hukumati cheklovlarni yengillashtirmoqda, odamlar ijtimoiy masofalanishdan chiqib ketyapti. “O‘ylashimcha, odamlar ehtiyot bo‘lmasa, niqob taqmasa, biz testlar sonini oshirmasak va aloqalar tizimini kuzatishni yaxshilamasak raqamlar o‘sishni davom etadi”, — deya qo‘shimcha qiladi Myurrey.
Avvalroq institut AQShda COVID-19 qurbonlari soni 4-avgustga borib 134 475 kishiga yetishi prognoz qilingan modelni taqdim etgandi. Keyinroq AQSh prezidenti Donald Tramp mamlakatda koronavirus qurbonlari sonining ortishi to‘g‘risidagi prognozlarni xato deb atagan edi.
Mavzuga doir: Donald Tramp AQShda koronavirusdan vafot etishi mumkin bo‘lganlar soni bo‘yicha yangi prognozlarni ma’lum qildi
Izoh (0)