Француз аёллари гўзаллиги ва келишган қадди-қомати билан бошқалардан ажралиб туради. Уларнинг ташқи кўриниши ва қомати ўзгармаслиги сабаби ҳақида турли қарашлар мавжуд.
«Яндекс Дзен» платформаси ёзувчи Мирей Гилянонинг «Нима учун француз аёллари семирмайди?» номли китобидаги қомат бузилмаслигига доир тавсиялар билан бўлишди.
Таъкидланишича, тавсиялар муаллифнинг шахсий тажрибасидан келиб чиқиб ёзилган. Америкада яшаган вақтлари фаст фуддан сезиларли даражада семириб кетган Мирей Францияга қайтгач, вазн ташлашга муваффақ бўлган.
Тавсиялар қуйидагилардан иборат:
1.Сифатли таом истеъмол қилинг.
2.Ҳар бир бўлакдан лаззатланинг.
3.Тановул вақтида хаёлингиз фақатгина овқатда бўлсин. Эътибор таомда бўлгани натижасида камроқ истеъмол қилиш мумкин.
4.Еган таомингиз учун афсус ҳиссини туйманг.
5.Очлик ҳиссини туймагунингизча овқатланманг.
6.Овқатдан лаззатланиш учун бир қанча тишламнинг ўзи кифоя.
7.Қанча тановул қилаётганингизни назорат қилинг, порцияни қисқартиринг.
8.Француз аёллари спорт залга бормайди, кўп юради. Сиз ҳам шунга риоя қилиб кўпроқ юринг.
9.Овқатланиш пайтини махсус вақтга айлантиринг. Шошмасдан ҳар бир бўлакни узоқ чайнанг.
10.Ҳар куни шоколад, пишлоқ ейиш мумкин, фақат меъёрни унутмаслик, шу билан бирга, ҳар бир бўлакдан лаззатланиш керак.
Изоҳ (0)