Уй-ишлари кишининг кўп вақтини олади. Вақтни эса тўғри тақсимлаб фойдали ва мароқли ишлар билан шуғулланиш, китоб ўқиш, спорт билан шуғулланиш, сайр қилиш мумкин. Аёл киши ўртача умрининг 18 йилини ошхонада ўтказар экан. Ўзбек аёлларининг ошхонага сарфлайдиган вақтини эса ҳисобига етиб бўлмаса керак. Эътиборингизга вақтни тежайдиган лайфхакларни тақдим қиламиз ва тежалган вақтингизни ўзингизга ажратиб саломат ва гўзал бўлишга, қизиқарли китоб ва журналлар ўқишингизни тавсия қиламиз.
Товуқ гўштини тезда тайёрлаш усули
Товуқ гўштини махсус идишга солиб, туз ва зираворлар сепинг ундан сўнг, ярим стакан сув солинг ва контейнер устини махсус ёпишқоқ «плёнка» билан ёпинг ҳамда 15 дақиқага микротўлқинли печга қўйинг. Тайёр бўлган товуқ гўштини барра сабзавотлар билан дастурхонга тортишингиз мумкин. Бундай усул билан вақтингизни тежашингиз ва таомингиз мазали бўлишини таъминлаган бўласиз.
Нўхатни бир зумда пишириш усули
Нўхатни керакли ҳажмда олиб идишга солинг, устига керакли миқдорда сув ҳамда бир чимдим ичимлик содаси солинг. Махсус ёпишқоқ «плёнка» билан ёпиб, 10 дақиқага микротўлқинли печга қўйинг. Кейин 30-40 дақиқа нўхатга тегманг идишда турсин. Бундай тайёрланган нўхат одатдагидан тезроқ пишади.
Бир вақтда икки таомни иситиш мумкинми?
Албатта, мумкин. Қолаверса бундай усул билан бир вақтнинг ўзида вақт ва электрни тежаса бўлади. Бу жуда оддий, печга биринчи чуқурроқ товада суюқ овқатни устига тарелкада қуюқ овқатни устма-уст қўйсангиз кифоя. Иккала таом ҳам яхшилаб исиши учун 3-3,5 дақиқани белгиланг ва ҳаммаси тайёр, сиз биринчи ва иккинчи овқатни ортиқча оворагарчиликсиз ейишингиз мумкин.
Цитрус мевалардан шарбат қилиш
Лимон, апельсин ёки грейпфрутни 20 сонияга микротўлқинли печга қўйинг. Вақт бўлгач, мевалар ўртасидан бўлинг ва стаканга шарбатни сиқиб олинг.
Пиццани қандай иситса қотиб қолмайди?
Пицца бўлагини устини ёпмасдан микротўлқинли печда иситса, у қуруқ ва қаттиқ бўлиб қолишини биласизми? Бундай бўлишини истамасангиз, иситишга стаканда сув билан бирга қўйинг. Шундагина, юмшоқ ва иссиқ пицца ейишингиз мумкин.
Суви қочган нонни қандай иситиш керак?
Бунинг учун сочиқни намлаб, нонни сочиққа ўраш ва 10 сонияга микротўлқинли печга қўйишнинг ўзи кифоя.
Пиёз тўғраганда кўз ёшланмаслиги учун нима қилиш керак?
Жавоби сиз кутгандан-да, оддийроқ: пиёзни икки тарафини кесиб, 20 дақиқага микротўлқинли печга қўйинг.
Картошка фри севувчиларга осон усул
Картошкани керакли шаклда кесиб тарелкага солинг, устидан ўсимлик ёғи солиб, таъбга кўра туз сепинг. Кейин микротўлқинли печга қўйиб, тайёр бўлгунича кутинг.
Изоҳ (0)