Дунёнинг кўплаб давлатлари пиёдалар ва велосипедчилар учун кўпроқ жой ажратиш мақсадида ўз транспорт тизимини қайта қуришни бошлади, деб хабар беради «Korrespondent.net».
Буюк Британия ҳукумати велосипедчилар ва пиёда сайр қилувчилар учун инфратузилмани яхшилаш учун 2,5 миллиард доллар ажратишга ваъда берган.
Парижда эса велосипедчилар учун 650 километр йўл қурилади. Иль-де-Франс мазкур лойиҳа учун 300 миллион евро ажратишга тайёр.
Италиянинг Милан шаҳрида эса велосипед йўлаклари қурилиб, йўллар кенгайтирилмоқда. Автомобиллар учун эса 30 км/соат чекловчи тезлик чегараси жорий этилади.
Нью-Йорк кўчаларининг 75 километри пиёда ва велосипед ҳайдовчилар учун ажратиладиган бўлди.
Берлинда қўшимча велосипед йўлаклари ажратилганидан сўнг, Германиянинг 133 шаҳри аҳолиси худди шу каби ўзгартириш киритиш учун ариза топширган.
Колумбия пойтахтида эса март ойларининг ўртасида қарийб 120 километрга тенг велосипед йўналишлари очилган эди.
Шаҳарлар маъмуриятининг ҳисоблашича, велосипед ижтимоий масофаланишни сақлашга хизмат қиладиган самарали воситалардан бири ҳисобланади, шунингдек, у йўлларда автомобиль тирбандликларининг юзага келмаслигига хизмат қилади.
Изоҳ (0)