Хитойда ўтган бир сутка ичида коронавирус билан касалланиш бўйича 1 та ва касаллик белгисиз ўтаётган 15 та ҳолат аниқланди, деб хабар бермоқда «РИА Новости» Хитой Соғлиқни сақлаш миллий комиссиясига таяниб.
Коронавирус пандемияси бошланганидан буён мамлакатда 83 976 киши вирус юқтириб олган, уларнинг 78 993 нафари соғайган, 4637 нафар бемор вафот этган.
Касаллик дастлаб 2019 йилнинг декабрида Хитойнинг Ухань шаҳрида пайдо бўлган. Кейинчалик Хитойнинг бошқа ҳудудларига, барча Европа давлатларига, АҚШ, Япония, Исроил ва дунёнинг бошқа давлатларига тарқалган.
Жаҳон соғлиқни сақлаш ташкилоти маълумотларига кўра, дунё коронавирусга чалинганлар сони 3,7 миллион кишидан, вафот этганлар сони эса қарийб 260 минг киши етди. Жонс Ҳопкинс маълумотларида эса дунёда коронавирус билан касалланганлар сони 3,9 миллион кишидан, вирус қурбонлари сони эса 274 898 кишини ташкил этмоқда.
Аввалроқ ЖССТ пандемияга қарши курашиш учун 1,7 млрд доллар кераклигини маълум қилгани, шунингдек, коронавируснинг дастлаб Ухандаги денгиз маҳсулотлари бозорида пайдо бўлганига аниқ далиллар йўқлигини айтгани хабар берилган эди.
Изоҳ (0)