Нидерландиянинг Эйндховен шаҳри полицияси хусусий уйларнинг биридан 12,5 миллион евро нақд пулни топиб олди, деб хабар беради NOS нашри.
Таъкидланишича, уйдаги яширин бўлмадан топилган пуллар 20 дан 500 еврогача банкноталар бўлган. Барча купюраларнинг оғирлиги 255 килограммни ташкил этган. Бундан ташқари, уйдан ўқотар қуроллар ҳам топилган.
Уй эгаси 35 ёшли эркак бўлиб, у «пул ювиш»да гумонланмоқда.
2019 йилда Амстердамда 12,8 миллион евро топилган эди, бироқ ушбу маблағлар бўлиниб, бешта уйда сақланган. Ўшанда етти киши гиёҳванд моддаларнинг ноқонуний айланмасида айбланиб ҳибсга олинган эди.
Изоҳ (0)