Niderlandiyaning Eyndxoven shahri politsiyasi xususiy uylarning biridan 12,5 million yevro naqd pulni topib oldi, deb xabar beradi NOS nashri.
Ta’kidlanishicha, uydagi yashirin bo‘lmadan topilgan pullar 20 dan 500 yevrogacha banknotalar bo‘lgan. Barcha kupyuralarning og‘irligi 255 kilogrammni tashkil etgan. Bundan tashqari, uydan o‘qotar qurollar ham topilgan.
Uy egasi 35 yoshli erkak bo‘lib, u “pul yuvish”da gumonlanmoqda.
2019-yilda Amsterdamda 12,8 million yevro topilgan edi, biroq ushbu mablag‘lar bo‘linib, beshta uyda saqlangan. O‘shanda yetti kishi giyohvand moddalarning noqonuniy aylanmasida ayblanib hibsga olingan edi.
Izoh (0)