ФИФА ташкилоти 2020 йилнинг охиригача футбол учрашувларида захира алмаштиришлар сонини бештага етказишга рухсат берди.
Футбол ассоциациялари халқаро кенгаши (IFAB) қарорига кўра, 2020 йилнинг охиригача ҳар бир клуб ўйин давомида бештагача алмаштириш қилишига рухсат этилади. Шу билан бирга, мазкур қарорни кучга киритиш конфедерациялар (масалан, ОФК) ва федерациялар (масалан, ЎФА, ПФЛ) ихтиёрида қолади.
Бироқ беш нафар футболчини тушириш дегани, ўйин давом этаётган вақтда беш марта ўйинчи алмаштириш мумкинлигини англатмайди. Ўйин давомида фақат уч марта, шунингдек, танаффус вақтида захира имкониятидан фойдаланиш мумкин бўлади. Яъни, беш нафар футболчини майдонга тушириш учун ўйин вақтида учта имконият берилади. Масалан, бир футболчини танаффус вақтида туширган ҳолда, қолганларини иккинчи бўлим давомида учта имкониятда майдонга ташлаш мумкин: 1+2+1, 2+1+1, 2+2, бироқ 1+1+1+1 га йўл қўйилмайди.
IFAB ва ФИФА мазкур қарор 2021 йилда ҳам амалда бўлиш ёки бўлмаслиги борасида бир қарорга келмаган.
Видеотакрорлар тизимидан (VAR) фойдаланишда давом этиш масаласи федерация ва конфедерациялар ихтиёрида қолади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)