Буюк Британиянинг BBC нашри Англия Премьер Лигаси 2019/20 йилги мавсумининг энг яхшиларини маълум қилди.
Унга кўра, «Ливерпуль» сардори Жордан Ҳендерсон АПЛнинг жорий мавсумдаги энг яхши ўйинчиси номини қўлга киритди. Ярим ҳимоячи сўровномада 23% овоз йиғди. Иккинчи ўриндан унинг жамоадоши Садио Мане (17%) ўрин олган бўлса, «Манчестер Сити» хавбеки Кевин де Брюйне (14%) кучли учликка якун ясади.
Энг яхши мураббий сифатида «Ливерпуль» устози Юрген Клопп (55%) эътироф этилди. «Шеффилд Юнайтед» бош мураббийи Крис Уайлдер (25%) бу борада иккинчи бўлди, «Вулверҳэмптон» мураббийи Нуну Эшпириту Санту (7%) эса 3-поғонадан жой олди.
Энг яхши ёш ўйинчи номига «Ливерпуль» қанот ҳимоячиси Трент Александер-Арнольд (47%) лойиқ кўрилди. Трент бу борада «Манчестер Юнайтед» ҳужумчиси Маркус Рэшфорд (10%) ва «Шеффилд» дарвозабони Дин Ҳендерсонни (9%) ортда қолдирган.
Шунингдек, қуйидаги номинацияларда ҳам ғолиблар аниқланди:
Мавсум ўйини — «Уотфорд»—«Ливерпуль» 3:0
Йил кашфиёти — Адама Траоре («Вулверҳемтон»)
Йил трансфери — Дин Ҳендерсон
Мавсум голи — Сон Ҳён Миннинг «Бёрнли»га (5:0) урган голи
Мавсум рамзий терма жамоаси: Алиссон — Трент Александер-Арнольд, Виржил ван Дейк, Чағлар Суюнжу, Эндрю Робертсон — Кевин де Брюйне, Жордан Ҳендерсон, Бруну Фернандеш — Муҳаммад Салоҳ, Серхио Агуэро, Садио Мане.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)