Бирлашган Араб Амирликларининг (БАА) Шаржа шаҳридаги осмонўпар бинода ёнғин содир бўлди. Бу ҳақда Khaleej Times хабар берган. Нашр ўзининг Twitter’даги саҳифасида воқеа жойидан ёнғин видеоларни ҳам эълон қилган.
Gulf News’нинг маҳаллий полицияга таяниб, хабар қилишича, яқин атрофдаги биноларда яшовчи аҳоли хавфсиз жойга кўчирилган. Нашр бино автотураргоҳ билан қўшиб ҳисоблаганда 45 қаватли эканлигини ёзган. Бироқ кейинчалик осмонўпар бино 48 қаватли эканлиги ойдинлашди.
Кейинроқ гап катта қисми турар жой сифатида ажратилган 190 метр баландликдаги Аbbcо минораси ҳақида кетаётгани маълум бўлди.
Расмий маълумотларга кўра, фавқулодда ҳолат сабаб тўққиз кишига талафот етган. Жароҳатланган етти нафар фуқаро яқин атрофдаги касалхонага ётқизилган. Бироқ ҳали ҳам олов ичида қолган хонадонларда одамлар бўлган ёки бўлмаганлиги юзасидан аниқ маълумотлар йўқ.
Ёнғиннинг келиб чиқишига нима сабаб бўлганлиги ҳам ошкор этилмаган.
Изоҳ (0)