Бугун,

  • USD 11095.31
  • RUB 173.84
  • EUR 10772.44

Жаҳон соғлиқни сақлаш ташкилотининг Европа минтақавий бюроси директори Ханс Клюге «Роспотребнадзор» (Россия) раҳбари Анна Поповага мурожаат қилиб, Тожикистон ва Туркманистондаги миссияда ёрдам беришини сўради, деб хабар беради «РИА Новости».

Фото: Reuters

Фото: Reuters

«Сиздан эксперт миссиясининг ишида иштирок этиш учун марказингиз мутахассисларини жалб этишда ёрдам кўрсатишингизни сўрамоқчиман», — дейди Клюге.

Таъкидланишича, ушбу мамлакатларда коронавирус расман қайд этилмаган бўлса-да, атипик пневмониядан вафот этаётганлар сони кўпайиб бормоқда. Клюге бу борада Россиянинг техник ва сиёсий нуқтаи назардан ёрдами муҳим аҳамиятга эга эканлигини таъкидлаб ўтган.

«Мени ушбу мамлакатлардаги мавжуд вазият жуда хавотирга солмоқда», — дейди ЖССТнинг Европа минтақавий бюроси раҳбари.

Клюге Россиядан Тожикистон ва Туркманистон етакчиларига коронавирус инфекциясига қарши курашда ЖССТнинг тавсияларига жиддий ёндашишларини етказиб қўйишини сўраган. Бундан ташқари, ЖССТ вакили коронавирусга қарши вакциналар яратиш борасидаги маълумотлар учун россиялик ҳамкасбларига миннатдорчилик билдирган.

Аввалроқ Туркманистонда ЖССТ миссияси олдидан коронавирусга чалинган беморлар бошқа касалхоналарга яширилаётгани маълум бўлганди. Тожикистонда эса пневмониядан тўрт бемор вафот этгани хабар қилинган.

Эслатиб ўтамиз, Марказий Осиё давлатлари орасида ҳозирга қадар Тожикистон ва Туркманистонда коронавирус билан касалланиш бўйича бирорта ҳам ҳолат расман эълон қилинмаган. Жаҳон соғлиқни сақлаш ташкилоти экспертларидан иборат гуруҳ шу ҳафта Тожикистон ва Туркманистонга ташриф буюриб, брифинг ўтказади ва таҳлил бўйича вазият қандай экани борасида расмий маълумот беради.

Изоҳ
Асосий янгиликлар
Дунё
Украина ташқи ишлар вазири Путиннинг “Зеленскийни ўлдирмаслик” бўйича берган ваъдасига муносабат билдирди
Спорт
А Серия. Элдор Шомуродовнинг дебют ўйинида “Специя” ўзида “Наполи”га йирик ҳисобда ютқазди
Дунё
Marsдан ҳам совуқроқ: АҚШда ҳаво ҳарорати тарихий рекордни янгилади (видео)