Bugun,

  • USD 11095.31
  • RUB 173.84
  • EUR 10772.44

22-aprel kuni xalqaro tashkilotlar vakillari bilan o‘tgan brifing chog‘ida Turkmaniston tashqi ishlar vaziri Rashid Meredov mamlakat hukumati koronavirusga chalingan bemorlarni yashirayotgani to‘g‘risidagi ayblovlarni rad etgandi. Ertasi kuni Jahon sog‘liqni saqlash tashkiloti ekspertlari mamlakatda rostdan ham COVID-19 bilan kasallanganlar yo‘qligiga ishonch hosil qilish uchun Turkmanistonga borishi ma’lum bo‘ldi. “Xronika Turkmanistana” nashri o‘zining manbalariga tayanib ma’lum qilishicha, mamlakatda JSST vakillarining kelishi oldidan bemorlar boshqa kasalxonalarga yashirilishi mumkin.

Foto: “TASS”

Foto: “TASS”

Ma’lumotlarga ko‘ra, JSST ekspertlarining mamlakatga kelishi ma’lum bo‘lganidan so‘ng, Turkmaniston Sog‘liqni saqlash vazirligi, TIV, IIV, MXV hamda boshqa qator vazirlik va qo‘mitalar, jumladan, mintaqaviy bo‘linmalar vakillari uchrashuv o‘tkazgan. Uchrashuvda Turkmanistonni yaxshi tomondan ko‘rsatish uchun qanday choralar ko‘rish lozimligi muhokama qilinib, bir qator variantlar ko‘rib chiqilgan:

  • Karantin zonalardagi fuqarolar sonini kamaytirish, ularning aksariyat qismini uy karantiniga yuborib, mahalliy shifokor va inspektorlar kuzatuviga olish;
  • Koronavirus tashxisi qo‘yilgan, shuningdek, infeksiya belgilari bor bemorlarni harbiy obyektlar hududiga joylashtirish, chunki JSST missiyasining u yerga kirishi mumkin emas. Biroq bu masalaning yana bir tomoni — mahalliy shifokorlarning maxfiy obyektlarga kirishiga ruxsat berishga to‘g‘ri keladi;
  • JSST vakillari talab qiladigan bo‘lsa, bir yoki ikki bemorni yaqindagina aniqlandi, deya ko‘rsatish.
Natijada kasallarni viloyatlarning qishloq tibbiy muassasalaridagi karantin zonalariga joylashtirishga qaror qilingan.

Avvalroq Turkmanobodda koronavirus bilan kasallangan kamida 7 bemor davolanayotgani haqida xabar berilgandi. Ta’kidlanishicha, hozirda ularning ikki nafari davolanishga muvaffaq bo‘lgan. Qolganlarni esa Garashsizlikdagi ruhiy kasallar shifoxonasiga joylashtirish rejalashtirilmoqda.

Shuningdek, ushbu shifoxonalarda JSST missiyasi Turkmanistonda bo‘lgan vaqt, ya’ni 2-3 kun davomida ishlovchi tibbiyot xodimlarini tayyorlash boshlangan. Turkmanoboddagi karantin zonasida ishlovchi shifokorlar o‘z joyida qolib, ular JSST vakillariga o‘z ishlari haqida so‘zlab beradi.

Eslatib o‘tamiz, Turkmanistonda pandemiya paytida ham masjidlarda taroveh namozlarini o‘qishga hech qanday cheklov qo‘yilmagan.

Izoh
Asosiy yangiliklar
Dunyo
Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)
Dunyo
Polsha bosh vaziri Ukrainadagi urush uchinchi jahon urushiga aylanishini prognoz qildi
Mahalliy
O‘zbekistonda dollar kursi yana oshdi