«Ювентус» клуби ҳужумчиси Пауло Дибаланинг коронавирусга топширган қон таҳлили яна ижобий натижани кўрсатди, дея хабар қилмоқда El Chiringuito.
Таъкидланишича, аргентиналик футболчининг сўнгги олти ҳафта ичидаги тўртинчи таҳлили Паулода инфекция борлигини кўрсатган. Март ойида Дибала ва унинг қайлиғи Ориана Сабатини коронавирус билан касаллангани маълум бўлганди. Апрель ойида эса дастлабки натижалар COVID-19 вирусининг йўқлигини кўрсатган, бироқ кўп ўтмай жуфтликнинг таҳлиллари яна ижобий натижа берганди.
Энди футболчи жиддий даволаниш жараёнидан ўтади, сабаби «Ювентус» май ойида машғулотларни бошлаш ниятида.
Италияда 29 апрель ҳолатига коронавирус юқтириб олганлар сони 201 мингдан ошди. 69 минг нафарга яқин киши соғайган бўлса, қурбонлар сони 27 мингдан ошган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)