«Интер» клубининг собиқ устози Андреа Страмаччони Эрон терма жамоаси бош мураббийига айланиши мумкин, дея хабар қилмоқда журналист Жанлука ди Марцио.
Таъкидланишича, италиялик мутахассис айни дамда Эрон футбол федерацияси билан музокара олиб бормоқда. Страмаччони Эрон терма жамоасида хорватиялик Драган Скочичнинг ўринини эгаллаши мумкин.
Эрон ЖЧ—2022 иккинчи саралаш босқичининг C гуруҳидан ўрин олган. Аввалига Гонконг (2:0) ва Камбожадан (14:0) устун келган форслар сўнгги икки турда Баҳрайн (0:1) ҳамда Ироққа (1:2) ютқазиб қўйди. Ҳозирда жамоа 3-ўринда бормоқда.
44 ёшли Страмаччони фаолияти мобайнида «Интер», «Удинезе», «Панатинаикос», «Спарта» ва «Истиқлол» жамоаларини бошқарган. Айни вақтда мураббий ишсиз.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)