Хитой Соғлиқни сақлаш миллий комиссияси маълумотларига таяниб, «РИА Новости»нинг хабар беришича, мамлакатда ўтган бир сутка ичида коронавирус билан касалланиш бўйича 12 та ҳолат аниқланди, 89 киши тузалди, вафот этганлар қайд этилмади.
Бугунги кунда Хитойда умумий ҳисобда 83 899 киши коронавирусга чалингани тасдиқланган, касалланганларнинг 78 109 нафари тузалган, 4 636 нафари вафот этган.
Шунингдек, яна 29 кишида касаллик аломатларсиз кечаётгани аниқланган. Умумий ҳисобда шундай кишиларнинг яна 983 нафари шифокорлар назоратида бўлиб турибди.
Мавзуга доир: Хитой ҳукумати коронавирус билан касалланганлар сони ошаётгани сабаб Харбин шаҳрига киришни ёпиб қўйди
Шунингдек, мамлакат Соғлиқни сақлаш вазирлиги ҳузуридаги Касалликлар назорати ва профилактикаси маркази (KCDC) маълумотларига кўра, камида 228 кишида даволанганидан кейин ҳам организмида вирус қолгани аниқланган. KCDC вирус қайтадан аниқланишининг эҳтимолий сабабларини ўрганмоқда.
Қайд этилишича, мамлакатда янги касалланишлар сонининг камайиши сабабли ҳукумат ижтимоий масофаланиш режимини енгиллаштирилган шаклда 5 майгача узайтирди. Истироҳат боғлари ва дам олиш масканлари қайта очиладиган бўлди, спорт, диний ва кўнгилочар муассасаларга ўз фаолиятини чекланган ҳолда давом эттиришга рухсат берилади.
Шу билан бирга, фуқаролардан ҳали ҳам гавжум жойларга бормаслик, уйдан заруратсиз чиқмаслик ва барча профилактик тадбирларга риоя қилиш талаб қилинмоқда.
Изоҳ (0)