Бутун дунё бўйлаб янги турдаги COVID-19 коронавирус инфекцияси қурбонлари сони 200 минг кишига яқинлашиб қолди. Бу ҳақда касаллик тарқалишини федерал ва маҳаллий ҳукумат, ОАВ бошқа манбаларга таяниб реал вақтида кузатиб бораётган Жонс Ҳопкинс университети маълумотларида келтирилган.
Маълумотларга кўра, дунё бўйлаб коронавирус оқибатида вафот этганлар сони 195 920 кишини ташкил этмоқда. Касалликка чалинганлар сони 2 790 986 кишига етган бўлса, уларнинг 781 382 нафари даволанишга муваффақ бўлган.
Европада коронавирус вакцинасини одамларда синаб кўриш бошланган бўлса, Оксфорд университети олимлари томонидан вакцина ҳали клиник синовлардан ўтказилмасдан туриб оммавий ишлаб чиқаришни бошлаб юборган. АҚШда коронавирусни даволашда безгакка қарши дорилар синовида 20 киши вафот этганидан сўнг тажриба тўхтатилган.
Аввалроқ АҚШ Хитойни коронавирус билан илк касалланиш ҳолати ҳақидаги маълумотларни ошкор қилишга чақиргани маълум бўлганди. Италиялик олимлар эса коронавирусдан вафот этган беморларнинг ўлими ҳақидаги ҳақиқатларни ошкор этди. Исроил ташқи разведкаси Эрон, Ироқ, Ливан ва Сурияни коронавирус ҳақидаги маълумотлар камайтириб кўрсатишга айбламоқда.
Ўзбекистонда эса 25 апрель соат 10:00 ҳолатига кўра, коронавирус инфекциясини юқтириб олганлар сони 1836 нафарни ташкил этмоқда. Мамлакатда 15 мартдан буён коронавирусга чалинган беморларнинг саккиз нафари вафот этди, 621 нафари эса соғайиб, реабилитацияга олинган.
Изоҳ (0)