Хитойнинг Xiaomi компанияси 2020 йил охирига қадар 150 мегапикселли камерага эга смартфонини тақдим этади, деб хабар берди Hi-Tech.Mail.ru.
2019 йилда Xiaomi илк бор 108 мегапикселли камерага эга ўзининг мобил гаджетини — Ми Note 10 смартфонини тақдим этганди.
Қарийб бир йил олдин Samsung ўзининг 108 мегапикселли ISOCELL Bright HMX сенсорини ишлаб чиқарган, Xiaomi эса ундан ўз қурилмаларида фойдаланган илк компанияга айланган эди. IceUniverse’нинг маълум қилишича, Samsung яқинда 150 мегапикселли датчик устида ишларни тамомлаган. Бу каби сенсорга эга смартфонни яна биринчи бўлиб Xiaomi ишлаб чиқаради.
Samsung’нинг янги технологияси ҳақида ҳозирча батафсил маълумотлар мавжуд эмас. Фақатгина 150 мегапикселли сенсорга эга камера 9 пикселни биттага жамлаши маълум — Samsung Galaxy S20 Ultra камераси шу тартибда ишлайди.
Шунингдек, инсайдернинг маълум қилишича, Samsung 250 мегапикселли кейинги авлод камералари устида ҳам иш олиб бормоқда.
150 мегапикселли камерадан Xiaomi’дан ташқари бошқа ишлаб чиқарувчилар ҳам фойдаланади: Оppо ва Vivо. Бироқ Xiaomi 2020 йилнинг тўртинчи чорагида рекорд даражада смартфон ишлаб чиқаришга тайёргарлик кўрмоқда, унинг хитойлик рақобатчилари эса бу ишни 2021 йилнинг биринчи чорагида — Snapdragon 875 процессори чиққанидан сўнг амалга оширади.
Мавзуга доир:
Изоҳ (0)