Motorola компанияси Samsung Galaxy S20 Ultra’ники каби процессор, камера, батарея ва экран ўлчамига эга ўзининг Edge Plus флагманини тақдим этди. Ушбу смартфон нархи 1000 доллар — бу ўзининг рақобатчиси 400 долларга арзон демакдир, дея хабар беради TJournal.
Edge Plus’га учталик орқа камера ўрнатилган. Асосий модель 108 мегапикселга тенг бўлиб, у маълумотни тўрт пикселдан битта 27 мегапикселли тасвирга гуруҳлаштира олади. Асосий камера 6К форматдаги видеони ёзиб олишга қодир. Motorola’нинг таъкидлашича, смартфон сенсори бошқа қурилмалардаги 12 мегапикселли вариантлардан уч баробор катта ва ёруғликни кўпроқ ушлайди.
Бундан ташқари, смартфонга оптик барқарорлаштиргичли 8 мегапикселга эга телефото-линза ҳамда уч каррали оптик яқинлаштиргич ўрнатилган. Учинчи камера эса — 16 мегапикселли кенг бурчакли линза бўлиб, макросуратга олишга мўлжалланган. Шунингдек, смартфонга ToF-сенсор ва 25 мегапикселли фронтал камера ўрнатилган.
Edge Plus Snapdragon 865 процессорида ишлайди — Samsung ҳам ўзининг Galaxy S20 флагманларида айнан ушбу процессордан фойдаланади. Шунингдек, қурилмага 5000 мА/соат сиғимга эга аккумулятор ва 6,7 дюймли экран ўрнатилган. Смартфон 5G алоқа тармоғини қўллаб-қувватлайди.
Motorola Edge Plus АҚШда май ойининг охирларига бориб 1000 доллардан сотувга чиқади. Galaxy S20 Ultra эса АҚШда 1400 доллардан сотилмоқда.
Мавзуга доир: Motorola янги эгилувчан экранли Razr’га талабнинг юқорилиги туфайли унинг сотувга чиқарилишини кечиктирди
Изоҳ (0)