Шавкат Мирзиёев раҳбарлигида 22 апрель, чоршанба куни, бўлиб ўтган аҳоли бандлигини таъминлаш ва даромади кескин камайишининг олдини олиш масалалари муҳокамасига бағишланган видеоселектор йиғилишида ҳунармандчиликнинг яхши анъаналарга ва улкан салоҳиятга эга эканлиги таъкидланди.
Президент матбуот хизматининг хабар қилишича, бугунги кунда 25 мингдан зиёд уста, шогирдлари билан қўшиб айтганда жами 80 мингга яқин оила шу соҳадан даромад топмоқда.
Йиғилишда Президент масофавий ўқув курслари ташкил этиб, ёшлар ва аёлларга ҳунар ўргатиш, ўз мактабига эга ҳунарманд усталар тажрибасини телевидение орқали оммалаштириш бўйича топшириқлар берган.
«Ҳунарманд» уюшмаси, Инвестициялар ва ташқи савдо вазирлигига ҳунармандчилик маҳсулотларини Ўзбекистон миллий бренди остида хорижда сотишни таъминловчи онлайн платформа яратиш вазифаси юклатилди.
«Бугунги кунда кўплаб ёшлар уйида ўтириб, интернет орқали дизайнерлик, таржимонлик, дастурлаш, реклама, репетиторлик каби хизматлар кўрсатмоқда. Лекин бундай мутахассислар, яъни фрилансерлар учун масофадан ҳисоб рақами очиш, почта, тўловларни қабул қилишда қатор тўсиқлар мавжуд. Оқибатда ушбу фаолият билан шуғулланувчиларнинг харажатлари 2-3 баробар ошиб кетмоқда», — дея таъкидлаган Шавкат Мирзиёев.
Мавзуга доир:
- Шавкат Мирзиёев: «Саховат ва кўмак» умумхалқ ҳаракати янги тарихимиз саҳифаларидан мустаҳкам ўрин олади
- Ўзбекистоннинг коронавирус қайд этилмаган ҳудудларида саноат корхоналари ва кластерлар ўз ишини қайта бошлади
- Шавкат Мирзиёев Ўзбекистонда коронавирусга қарши курашаётган шифокорлар ва куч тузилмаларига миннатдорчилик билдирди
Видеоселектор йиғилишида соҳа мутасаддилари ва ҳокимлар белгиланган кўрсаткичларни бажариш режалари юзасидан ахбороти ҳам эшитилган.
Изоҳ (0)