Шавкат Мирзиёев раислигида 22 апрель, чоршанба куни, бўлиб ўтган аҳоли бандлигини таъминлаш ва даромади кескин камайишининг олдини олиш масалалари муҳокамасига бағишланган видеоселектор йиғилишида сервис соҳасини ривожлантириш масалаларига ҳам эътибор қаратди.
Бугунги кунда умумий овқатланиш тармоғида 13 минг, савдода 45 минг, хизмат кўрсатишда 19 минг, транспортда 7 минг корхона фаолиятини тўхтатган ёки тушумлари кескин камайган.
Ваҳоланки, карантин шароитида ҳам озиқ-овқатлар ва товарларни етказиб бериш, кўчма савдо ва хизматларни ташкил этиш орқали бу корхоналарнинг камида 70 фоизини ишлатиш мумкин.
Шу билан бирга, карантин талабларига қатъий амал қилган ҳолда тўловларни қабул қилиш, суғурта, микрокредит хизматларини ҳам йўлга қўйса бўлади. Шулардан келиб чиқиб, Республика махсус комиссиясига етказиб бериш хизматини йўлга қўйган тадбиркорлик субъектлари фаолияти учун шароит яратиш бўйича топшириқ берилди.
Ўтган йил сентябрдан бошлаб ўзини ўзи банд қилган фуқароларга вақтинчалик меҳнат гувоҳномаси бериш бошланган бўлса-да, бу ҳали етарли даражада самара бермаяпти.
Ўзини ўзи банд қилган фуқароларни қўллаб-қувватлаш, уларнинг қонуний фаолият юритиши учун қулай ва содда ҳуқуқий тизим яратиш зарурлиги таъкидланди.
Ҳозирда бундай кишиларга 85 та фаолият тури билан шуғулланишга рухсат берилган. Йиғилишда бу рўйхатни кенгайтириш, қонунчиликда тақиқланмаган барча тадбиркорлик турларига рухсат бериш кераклиги айтилди. Ўзини ўзи банд қилган одамларни фақат хабардор қилиш орқали рўйхатдан ўтиб ишлайдиган механизм жорий этилади, дейилган хабарда.
Мавзуга доир:
Изоҳ (0)