Халқаро спорт тадқиқотлари маркази (CIES) 2019 йил учун футболчилари чет эл лигаларида ҳаракат қилган мамлакатлар рейтингини эълон қилди.
Унда Ўзбекистон 81-ўринни эгаллади. Маълумотларга кўра, 2019 йилда 28 нафар ўзбекистонлик футболчи чет элда фаолият юритган, уларнинг 75 фоизи олий дивизионларда ҳаракат қилган.
Рейтингни 1600 нафар футболчи билан Бразилия эгаллаб турибди. Кейинги ўринларда Франция (1027) ва Аргентина (972) қайд этилган.
Умумий миқдорда 186 мамлакатнинг ҳеч бўлмаганда бир нафар футболчиси легионерга айланган. Кучли учликдаги Бразилия, Франция ва Аргентина глобал футболда деярли чорак (22,5%) иш ўрнини эгаллаган.
Осиё вакиллари ичида Япония биринчи бўлиб турибди (161). Кейинги ўринларда Австралия (124), Жанубий Корея (121), Хитой (29) ва Эрон (28) бормоқда. Ўзбекистон бу борада ОФК минтақасида олтинчи бўлиб турибди.
Рўйхатнинг энг юқорисидан жой олган 20 та мамлакат билан танишинг:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)