Андижонда санитария-эпидемиологик осойишталик марказларига 14 та хизмат автомобили топширилди. Бу ҳақда «Дарё» мухбири Умиджон Мамарасулов хабар бермоқда.
2020 йил 21 апрель куни вилоят ҳокими Шуҳрат Абдураҳмонов санитария-эпидемиологик осойишталик маркази ходимлари билан учрашган. Ҳоким карантин даврида марказ ходимлари зиммасига ҳар доимгидан ҳам кўп вазифалар юклатилганини таъкилаб, улар бу масъулиятни аъло даражада адо этаётганини билдирган. Ҳамда Президент томонидан юборилган хизмат автомобиллари калитини топширган.
Маълум бўлишича, вилоят санитария-эпидемиологик осойишталик марказига (СЭОМ) 2 та Nexia-3, шаҳар ва туман бўлимларига эса 12 та Damas берилган.
Вилоят СЭОМ бош шифокори Дилмурод Набиевнинг айтишича, Бўз, Олтинкўл, Шаҳрихон туманлари шу кунга қадар хизмат автомобилларига эга бўлмаган. Асака, Булоқбоши, Пахтаобод ва бошқа туманлар 1997 йилда сотиб олинган ва эскирган хизмат автомобилларидан фойдаланиб келган.
Хабар қилинишича, вилоят ҳокими ташаббуси билан жойларда хизмат олиб бораётган иш ставкаси 0,25 ва 0,5 ставкада фаолият юритаётган ходимларнинг тўлиқ ставкада ишлаши учун маҳаллий бюджет маблағлари ҳисобидан 1 миллиард 450 миллион сўм қўшимча маблағ ажратилиши белгиланган. Шу маблағнинг 448 миллион сўми бугун, 22 апрель куни, марказ ҳисоб рақамига келиб тушган.
Изоҳ (0)