Буюк Британия қироличаси Елизавета II 21 апрель куни 94 ёшга тўлади.
Daily Mail’нинг ёзишича, қиролича туғилган кунини қариндошлари билан видеоалоқа орқали нишонлайди.
Ҳозирги пайтда қиролича Виндзор қасрида турмуш ўртоғи, 98 ёшли шаҳзода Филипп билан карантинни ўтказмоқда. Қироллик оиласининг бошқа аъзолари карантин туфайли унинг туғилган кунига кела олмайди.
Ёрдамчилари Елизавета II нинг фарзандлари, неваралари ва эваралари уни табриклаши учун видеоқўнғироқни ташкил этишни режалаштирмоқда.
Қиролича анъанавий мушакбозлик ва парадни бекор қилган. Шунингдек, давлат ташкилотлари биносига мамлакат байроғини осмасликни ҳам буюрган.
Қироличанинг фикрига кўра, 16 минг нафар британияликнинг ўлимига сабаб бўлган коронавирус пандемияси ҳукм сураётган шароитда байроқларни кўтариш мақсадга мувофиқ эмас.
Изоҳ (0)