Marvel’нинг энг машҳур қаҳрамонларидан бири — ўргимчак одам коронавирус пандемияси даврида Туркиянинг Анталия шаҳрида ҳақиқий маънодаги қаҳрамонга айланди, деб ёзади Daily Sabah.
Нашрнинг ёзишича, Бурак Сойлу исмли эркак ўргимчак одам костюмида кекса кишиларнинг уйлари балконига чиқиб, улар билан суҳбатлашиб, одамларга нима кераклигини аниқламоқда. Кейин эса уларга керакли маҳсулотларни олиб келиб бермоқда.
«Менинг супер қобилиятим — жамиятга яхшилик қилиш. Шунинг учун ҳам одамларга керакли нарсаларни олиб келиб бермоқдаман», — деган ўргимчак одам — Бурак Сойлу.
Анталия шаҳри аҳолиси ўргимчак одам пайдо бўлганидан мамнунлигини билдирган. «Бугун у менга сут ва нон олиб келди. Биз уни яхши кўрамиз», — дейди маҳаллий аҳоли вакилларидан бири.
Маълумот учун, Туркияда коронавирусга чалиниш ҳолати илк марта 10 март куни қайд этилган. Шундан сўнг касалланганлар сони тез кўпая бошлади. 20 апрель ҳолатига кўра, мамлакатда коронавирусдан касалланганлар сони 90 мингдан ошиб кетди.
Изоҳ (0)