Ҳиндистоннинг Тамил-Наду штати Мадурай шаҳрида машҳур буқани сўнгги йўлга кузатиш учун 200 киши карантинни бузди, деб хабар берди Daily Mail.
Мули лақабли буқа ҳаёти давомида маҳаллий ибодатхонада сақланган, у маъбудлардек эъзозланган.
Буқани Жаликатту фестивалидаги иштироки учун ҳам яхши кўришар эди.
Буқа оломон орасига қўйиб юборилар, одамлар эса унга осилиб, имкон қадар кўпроқ осилиб туришга интилар, буқа эса уларни устидан туширишга ҳаракат қилиб, югурар эди. Мули 20 йил умр кўрган ва қариликдан вафот этган.
«Аёллар Мулининг ўлганини эшитиб, йиғлади. Бутун қишлоқ уни яхши кўрар эди», — дейди маҳаллий аҳоли вакилларидан бири.
Жониворнинг ўлиги гуллар билан безатилиб ибодатхона олдига қўйилди. Одамлар унга тасмалар, пуллар олиб келди.
Қайд этилишича, агар карантин бўлмаганида Мули билан хайрлашишга бундан ҳам кўпроқ одам келарди.
Изоҳ (0)