Коррупция сабаб футболдан четлатилган ФИФА президенти Йозеф Блаттер Европанинг барча даврлар рамзий терма жамоасини тузди

ФИФА собиқ президенти Йозеф Блаттер Европада биринчи миллий чемпионат ўтказилганлигининг 60 йиллиги муносабати билан минтақанинг барча даврларидаги энг яхши футболчилардан иборат рамзий терма жамоа тузди.

Ундан айни дамда фаолиятини давом эттираётган футболчилардан «Барселона» ҳимоячиси Херард Пике ва «Ювентус» ҳужумчиси Криштиану Роналду ўрин олди.

Блаттер талқинига кўра, Европанинг барча даврлардаги рамзий терма жамоаси:

Дарвозабон: Лев Яшин (Россия).

Ҳимоячилар: Паоло Мальдини (Италия), Франц Беккенбауэр (Германия), Херард Пике (Испания).

Ярим ҳимоячилар: Йоҳан Кройфф (Нидерландия), Бобби Мур (Англия), Зинедин Зидан (Франция), Ференц Пушкаш (Венгрия).

Ҳужумчилар: Криштиану Роналду (Португалия), Уве Зеелер (Германия), Марко ван Бастен (Нидерландия).

Мураббий: Висенте Дел Боске (Испания).

Эслатиб ўтамиз, швейсариялик функционер 2015 йилда коррупцияда айбланиб ФИФА президентлигидан олинган ва саккиз йил муддатга футболга оид ҳар қандай фаолиятдан четлатилганди. 2016 йилда ФИФА апелляция қўмитаси ушбу муддатни олти йилга қисқартирган.