«Дерби Каунти» клуби ҳужумчиси Уэйн Руни «Барселона» етакчиси Лионель Месси ва «Ювентус» форварди Криштиану Роналду ҳақидаги фикрлари билан ўртоқлашди.
«Биргаликда ўйнашни бошлаганимизда Роналду бу қадар гол уришга чанқоқ эмас эди. Бироқ дунёнинг энг яхши ўйинчиси бўлишни хоҳлаши кўриниб турарди. У мунтазам шуғулланарди ва бу натижа берди. Криштиану ақл бовар қилмас тўпурарга айланди. Балки, у Месси билан бирга футбол тарихидаги энг яхши ўйинчидир.
Бироқ Роналду билан дўст бўлишимга қарамай Мессини танлаган бўлардим. Унда бошқаларда йўқ нимадир бор, худди шу сабаб Хави ва Скоулзнинг ўйинини томоша қилишни ҳам ёқтирардим. Гап ўзини тутиш ҳақида кетмоқда. Месси гол уриш учун тўпга бор кучи билан зарба берганини эслай олмайман. У тўпни шунчаки улоқтиради ва бу жуда осондек кўринади.
Роналду майдонда шафқатсиз, у қотил. Бироқ Месси ўлдиришдан аввал сени қийноққа солади. Месси буларнинг эвазига ўйиндан кўпроқ завқ олаётгандек тассаввур пайдо бўлади», — дейди Руни.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)