Goldman Sachs банки экспертлари ва таҳлилчиларининг фикрига кўра, Apple iPhone 12’нинг ҳамма моделларининг етарли миқдорини сентябргача ишлаб чиқаришга улгурмагани боис, смартфонлар ноябрь ёки ундан ҳам кечроқ сотила бошлайди.
Тақдимот қачон ўтказилиши номаълум. Apple ўз анъанасига содиқ қолган ҳолда iPhone 12 линейкасидаги смартфонлар тақдимотини сентябрда ўтказиб, уларни сотишни кечроқ бошлаши ёки тақдимот санасини кейинроққа кўчириши ҳам мумкин.
Хитойда Apple смартфонларини ишлаб чиқариш билан шуғулланувчи Foxconn заводи карантиндан сўнг ишини қайта тиклаган. Бироқ Apple’нинг кўплаб ходимлари ҳозиргача уйдан ишлашда давом этмоқда. Шаҳарлар ўртасидаги авиақатновлар чеклангани учун янги моделларни ишлаб чиқаришда муаммолар кузатилади.
Glodman Sachs ҳисоботининг бошқа қисми янги моделларнинг молиявий истиқболларига мўлжалланган.
Таҳлилчиларнинг фикрича, жорий йилда бозор коронавируснинг иқтисодиётга салбий таъсири туфайли iPhone 12’нинг қиммат моделларини яхши қабул қилмаслиги мумкин. Одамлар iPhone 12’ни сотиб олишни кейинроққа қолдириши ёки ҳамёнбоп моделлар, хусусан, iPhone 11 ёки янги iPhone SE’ни харид қилиши мумкин.
Банкнинг прогноз қилишича, коронавирус оқибатлари туфайли Apple’нинг даромади 2020 йилнинг учинчи чорагида ўтган йилга нисбатан учдан бир миқдорда камайиши мумкин.
Изоҳ (0)