Ўзбекистонда карантин қоидаларига амал қилмаганлар сони 76 мингдан ошди

Ўзбекистонда карантин тадбирлари эълон қилинган вақтдан бугунги кунга қадар карантин қоидаларига амал қилмаслик билан боғлиқ жами 76 159  та ҳолат аниқланди, деб хабар бермоқда ИИВ матбуот хизмати.

Вазирлик хабарида айтилишича, карантин қоидалари ва санитария чекловларига риоя қилиш юзасидан тушунтириш ишлари олиб борилишига қарамасдан ҳамон қоидабузарлик ҳолатлари кузатилмоқда. Карантин қоидаларини бузганлар орасида тиббий ниқобсиз кўчада юрганлар, рухсатномасиз транспорт воситасида ҳаракатланганлар, шунингдек, бемақсад велосипедда юрганлар бор.

Уларнинг республика бўйича аниқланган сони қуйидагича:

• Тошкент шаҳрида – 13 635 та;
• Фарғона вилоятида – 11 893 та;
• Тошкент вилоятида – 11 136 та;
• Самарқанд вилоятида – 6 730 та;
• Сирдарё вилоятида – 5 269 та;
• Қашқадарё вилоятида – 4 976 та;
• Андижон вилоятида – 4 303 та;
• Наманган вилоятида – 4 290 та;
• Бухоро вилоятида – 3 115 та;
• Қорақалпоғистон Республикасида – 2 775 та;
• Хоразм вилоятида – 2 555 та;
• Сурхондарё вилоятида – 2 416 та;
• Жиззах вилоятида – 2 333 та;
• Навоий вилоятида – 733 та ҳолатни ташкил этмоқда.