Давоми: Нукусда 6 яшар қизалоқ коронавирусдан соғайди. Ўзбекистон бўйича тузалганлар сони 171 нафарга етди
Бухорода соғайганларнинг барчаси чартер рейс орқали Туркиядан Бухорога келган бўлиб, «Ситораи Моҳи Хоса» санаторийсида карантинга олинган эди. Коронавирус инфекцияси тасдиқлангач, вилоят юқумли касалликлар шифохонасига жойлаштирилган. Беморларнинг бир нафари эркак, тўрт нафари аёллардир. Улардан уч нафари Тошкент шаҳридан, қолган икки киши Тошкент ва Сирдарё вилоятларидан. Улар орасида энг ёши каттаси 54 да бўлса, энг кичиги 22 ёшда.
Хоразмда даволанган беморларнинг бари чартер рейс орқали Россиядан олиб келинган. 61, 47 ва 29 ёшдаги беморларнинг учаласи эркак, Бухоро, Қашқадарё ва Фарғона вилоятларидан.
Фарғонада соғайганларнинг уч нафари (икки нафари Тошкент шаҳридан, бир нафари эса Андижон вилоятидан) чартер рейс орқали Туркиядан келган. Бир нафар фарғоналик бемор эса коронавирусга чалинганлар билан мулоқотда бўлиб, касалликни юқтирган. Беморларнинг уч нафари эркак, бир нафари аёл бўлиб, улар орасида энг ёши каттаси 59 да бўлса, энг ёши кичиги 22 ёшда.
Бунгача Бухорода даволанаётган беморларнинг 39 нафари, Хоразмда уч нафари, Фарғонада эса икки нафари соғайгани ҳақида хабар берилган эди. Шундай қилиб, 18 апрель соат 14:30 ҳолатига кўра Ўзбекистон бўйича коронавирусдан буткул соғайганлар сони 168 кишига етди.
Эслатиб ўтамиз, 18 апрель соат 10:00 ҳолатига кўра Ўзбекистон бўйича коронавирус инфекциясини юқтириб олиш билан боғлиқ 1450 та ҳолат аниқланган; ўтган вақт давомида касалликка чалинган тўрт бемор вафот этган.
Бундан ташқари, сўнгги маълумотларга кўра, хориждаги 73 нафар ватандошда ҳам коронавирус аниқланган, уларнинг камида тўрт нафари вафот этган. Вафот этганларнинг уч нафари АҚШда, бир нафари эса Россияда бўлиб турган эди.
Изоҳ (0)